Ditë e përgjakshme në Nikaragua, 38 të vdekur

15:40 | 10 Korrik 2018
Arbresh.info

E diela ishte dita më e përgjakshme në Nikaragua që ka fillimi i valës së protestave anti-qeveritare, thotë një grup lokal i të drejtave të njeriut.

Sipas Qendrës për të Drejtat e njeriut (Cenidh), 38 persona janë vrarë gjatë përleshjeve në tre zona, transmeton portali arbresh.info.

Cenidh thotë se 31 prej tyre ishin protestues anti-qeveritarë, katër oficerë policorë dhe tre anëtarë të grupeve pro-qeveritare.

Përleshjet mes forcave të sigurisë dhe protestuesve anti-qeveritarë janë intensifikuar me rezultate vdekjeprurëse.

Kryetarja e Cenidh Vilma Núñez i tha BBC Mundo se 35 njerëz ishin vrarë në qytetet Diriamba dhe Jinotepe dhe tre të tjerë në krahinën veriore të Matagalpa.

Ajo tha se shumica e tyre ishin vrarë në përplasjet mes protestave antiqeveritare dhe bllokadave të policisë dhe grupeve pro qeveritare që përpiqeshin të pastronin barrikadat./Arbresh.info/